Mae cyfreithwyr blaenallaw Swayne Johnson, sydd a swyddfeydd yn Ninbych a Llanelwy, wedi cyhoeddi eu bod yn cyfuno gyda cyfeithwyr o Landudno, Chamberlain, Johnson & Parke.

Bydd y cyfuniad yn cael ei gwblhau ar 9fed Mai ac ar y dyddiad hwn bydd Swyane Johnson yn agor eu drysau yn swyddfeydd Chamberlain, Johnsoon & Parke yn Sgwar y Drindod yn y dref. Bydd y cyfuniad yn rhoi sail i Swayne Johnson mewn tref sydd yn tyfu mewn pwysigrwydd a bydd yn chwarae rhan bwysig yng nghynlluniau’r cwmni i ehangu eu gwasanaethau i glientiaid dros Gogledd Orllewin Cymru.

Bydd y cwmni’n cael ei adnabod fel Cyfreithwyr Swayne Johnson yn ymgorffori Chamberlain, Johnson & Parke. Mae’r ddau gwmni eisoes wedi cychwyn ar y dasg o integreiddio eu systemau, adranau a rhannu profiadau. Yn ddiweddar fe ddyfarnwyd gwobr Lexel i Swayne Johnson gan Gymdeithas y Gyfraith ac roedd hyn yn adlewyrchiad ar safon rheoli’r cwmni.

Wrth son am y cyfuniad fe ddywedodd Edward Lloyd, rheolwr-gyfarwyddwr Swayne Johnson: “Mae hwn yn ddatblygiad cyffrous i Swayne Johnson ac i Chamberlain, Johnson & Parke. Mae Gogledd Cymru yn profi twf mewn datblygiad busnes a masnach ac roeddem eisiau gwneud yn siwr fod Swayne Johnson yn rhan o’r tyfiant hwnnw.

“Mae’n hymroddiad diwyro i Ddyffryn Clwyd yn parhau trwy ein swyddfeydd yn Ninbych a Llanelwy ond roeddem yn teimlo fod Llandudno yn tyfu i fod yn ganolbwynt busnes a diwylliant Gogledd Cymru ac roedd yn bwysig i ddatblygiad Swayne Johnson, fel cwmni cyfreithiol blaenllaw yn yr ardal, ein bod yn agor swyddfa yn y dref.

“Rydym yn bwriadu ehangu’r busnes yn Llandudno a’r ardaloedd cyfagos trwy gyfrwng y clientiaid sydd gan Chamberlain, Johnson & Parke eisoes a thrwy ddatblygu perthynas gyda’r busnesau, y clientiaid preifat a’r gymuned leol. Mae gan Chamberlain, Johnson & Parke gryn arbenigedd a safle yn Llandudno ac mae’r ddau gwmni yn falch o gael gweithio gyda’u gilydd” meddai Mr Lloyd.

Ychwanegodd uwch bartner Chamberlain Johnson & Parke, J O Jones: “Rydym yn falch o allu cyhoeddi ein cyfuniad â Swayne Johnson. Mae ein clientiaid yn mynd i barhau i dderbyn yr un lefel o arbenigedd a gwasanaeth personol ac a gynigwyd gan Chamberlain Johnson & Parke. Fodd bynnag bydd ein cyfuniad â Swayne Johnson yn ein galluogi i ehangu’r gwasanaeth ac arbenigedd y gallwn ei gynnig i’n clientiaid presenol a’n clientiaid newydd. Gallaf sicrhau ein clientiaid presenol y byddwn yn parhau i ddelio a’u busnes o’n swyddfa yn Llandudno.”

Bydd y cyfuniad yn codi’r nifer o weithwyr y mae Swayne Johnson yn eu cyflogi i dros 50. “Rydym yn ymfalchio yn ein gallu i gynnig ystod eang o wasanaethau cyfreithiol arbennigol y mae rhai pobl yn meddwl na ellir eu cael y tu allan i gwmniau dinesig mawr ac mae’r cyfuniad hwn â Chamberlain Johnson & Parke yn mynd i ychwanegu at ein gallu i gynnig y gwasanaeth yma” ychwanegodd Mr Lloyd.