Llareiddiad Ategol / Gorchymyn Ariannol
Beth yw Llareiddiad Ategol?
Llareiddiad ategol yw'r enw a ddefnyddir i ddisgrifio'r gorchmynion y gall y llys eu gwneud i ddatrys materion ariannol rhwng y parti'on mewn achos ysgariad.
Yn aml yr elfen hon yw'r rhan fwyaf cymhleth o'r ysgariad, a gall gymryd amser a bod yn gostus. Mae'n werth cael cyngor cyfreithiol cynhwysfawr yng nghyswllt materion ariannol. Yma yn Swayne Johnson mae gennym ni dîm profiadol a all gynorthwyo i'ch arwain chi drwy'r broses hon, a all fod yn gymhleth iawn.
Pwy sy'n medru gwneud cais a phryd y gellir gwneud cais am Lareiddiad Ategol?
Dim ond ar ôl yr archddyfarniad cyntaf mae gan y llys y pwer i wneud gorchymyn neu gymeradwyo gorchymyn cydsynio sydd wedi ei gytuno. Hefyd nid oes terfyn amser ynghylch pryd y cewch wneud cais i'r materion ariannol gael eu datrys gan y llys, a gallai'r naill ochr wneud cais nifer o flynyddoedd ar ôl y Dyfarniad Absoliwt.Os ydych chi'n Atebydd a'ch bod chi'n bwriadu priodi eto neu lunio Partneriaeth Sifil, mae'n rhaid i chi ddechrau hawliad ariannol yn y llys cyn i chi briodi eto oherwydd, wedi'r dyddiad hwnnw, ni fedrwch wneud cais am ddarpariaeth ariannol. Os ydych chi'n ysytyried ail-briodi mae'n hanfodol bwysig eich bod yn ein hysbysu ni gynted ag y bo modd.
For further information follow the link below:
Costau
Mae costau yn rhan bwysig iawn o'r trafodion llareiddiad ategol. Gall y costau ar y ddwy ochr fod yn filoedd o bunnoedd, a gall leihau'r asedau fydd gan y naill barti ar ôl rhannu'r adnoddau ariannol. O ganlyniad i hyn, dim ond mewn rhai achosion y bydd y llys yn gwneud gorchymyn talu costau yn ei gwneud yn ofynnol i un ochr dalu costau'r ochr arall. Bydd y llys yn disgwyl i'r naill ochr wneud eu gorau i gytuno ar setliad, ac mae o fudd i'r ddwy ochr gyflwyno cynigion realistig. Os nad ydych yn gwneud hynny yna mae posibilrwydd o orchymyn costau yn eich erbyn chi.Gan amlaf bydd achosion sy'n cael eu setlo drwy negodi a thrafod telerau yn gweithredu ar y sail bod y naill barti yn talu eu costau eu hunain. Nid yw hyn yn rheol absoliwt ond yn arferol mae'n synhwyrol ymdrin â'r achos ar y sail hwn.
Efallai y bydd modd i chi gael 'arian cyhoeddus' (y cyfeiriwyd ato'n flaenorol fel cymorth cyfreithiol) o ran eich costau yn yr achos. Nid yw hyn yn galluogi unrhyw barti i osgoi talu unrhyw gostau o gwbl. Mae gan y Comisiwn Gwasanaethau Cyfreithiol yr hawl i adfer y costau gan barti a dderbyniodd arian cyhoeddus o unrhyw arian neu eiddo a gadwyd neu a adferwyd. Fe wnawn ni drafod gyda chi p'un ai ydych chi'n debygol o fod yn gymwys i dderbyn arian cyhoeddus, ac fe wnawn ni esbonio'r broses yn fanylach.
Dewisiadau amgen i'r llys
Nid y llysoedd yw'r unig ffordd o ddatrys anghydfod o'r math yma. Mae Cyfryngu a Chyfraith Cydweithrediadol yn cynrychioli dau o'r dulliau amgen.Gall cyfryngu eich cynorthwyo chi i ddod i benderfyniadau ynghylch materion yn ymwneud â phlant a materion ariannol. Os ydych chi ar incwm isel neu'n derbyn budd-daliadau, efallai y byddwch yn gymwys ar gyfer Ariannu Cyhoeddus (Cymorth Cyfreithiol) i dalu costau'r cyfryngu yn ogystal â chostau cyngor a chymorth cyfreithiol yn ystod y broses gyfryngu. Fe fyddwch yn cael eich hasesu yn eich cyfarfod cyntaf. Yn yr ardal hon cynhelir cyfryngu gan Wasanaeth Cyfryngu Teulu Gogledd Cymru - lleolir eu swyddfeydd yn Llandudno.
Cyfraith cydweithrediadol yw lle bo pâr priod sy'n gwahanu yn gweithio gyda'i gilydd, gyda chyngor a chymorth gan eu cynghorwyr cyfreithiol eu hunain, i gyrraedd setliad teg ac urddasol heb orfod troi at y llys. Cyfreithwyr Swayne Johnson yw un o'r ychydig gwmni'au cyfreithwyr yng Ngogledd Cymru â chyfreithwyr wedi'u hyfforddi mewn cyfraith cydweithrediadol.
For further information follow the link below:
Mae ein harbenigwyr cyfreithiol profiadol a chymwys yma i'ch cynorthwyo chi
Jon Moriarty - Cyfreithiwr & Chyfarwyddwr
Rhys Williams - Cyfreithiwr & Chyfarwyddwr
Jason Mclellan - Cyfreithiwr Cyswllt
Ymwadiad: Nodwch nad yw'r wybodaeth ar y wefan hon yn gyfwerth â chyngor cyfreithiol proffesiynol. Nid
yw Swayne Johnson Ltd yn derbyn dim cyfrifoldeb am unrhyw golled bynnag sydd yn codi o ganlyniad i ddibyniaeth ar y wybodaeth
a gynhwysir yma. Rydym yn argymell yn gryf eich bod yn cysylltu ag un o'n cyfreithwyr arbenigol am gyngor ar eich sefyllfa benodol chi.
