Sut i Wneud Cais
Dros y 100 mlynedd diwethaf mae Cyfreithwyr Swayne Johnson wedi cefnogi mentrau elusennol a phrosiectau cymunedol yn rhagweithiol, gan gael effaith gadarnhaol ar y mudiad hosbis, gwaith ieuenctid, lles plant, yr henoed, a llawer o brosiectau lleol eraill.
Rydym bellach wedi creu Ymddiriedolaeth Elusennol Swayne Johnson fel cyfrwng ar gyfer rhoi cefnogaeth i’n helusennau enwebedig a phrosiectau lleol ar lawr gwlad.
Mae Cyfarwyddwyr a Chyfranddalwyr Cyfreithwyr Swayne Johnson eisoes wedi rhoi cyfran o’u helw i’r Ymddiriedolaeth Elusennol i sefydlu’r gronfa. Bydd Cyfarwyddwyr a staff Cyfreithwyr Swayne Johnson yn parhau i godi arian i ychwanegu at y cronfeydd hynny fel y gall y cwmni gefnogi prosiectau ac elusennau lleol amrywiol yn eu gwaith.
Mae rhoi rhywbeth yn ôl i wella ansawdd cymunedau lleol wrth wraidd Cyfreithwyr Swayne Johnson, ac yn un o’n gwerthoedd craidd.
Mae busnes Cyfreithwyr Swayne Johnson ac Ymddiriedolaeth Elusennol Swayne Johnson yn cael eu cadw’n gwbl ar wahân a bydd 100% o elw dosbarthadwy’r Ymddiriedolaeth ar gael ar gyfer Grantiau. Mae Cyfreithwyr Swayne Johnson hefyd yn cyflenwi gwaith cyfreithiol pro bono ac amser i’r Ymddiriedolaeth Elusennol i gefnogi ei bodolaeth.
Mae rhagor o wybodaeth am yr holl weithgareddau elusennol ar gael drwy ymweld â gwefan y Comisiwn Elusennau neu drwy anfon e-bost at charity@swaynejohnson.com .
I Wneud Cais
Cwblhewch a chyflwynwch y cais ar-lein neu lawrlwythwch gopi a’i anfon at charity@swaynejohnson.com neu drwy’r post at: Ymddiriedolaeth Elusennol Swayne Johnson, 2 Sgwâr y Neuadd, Dinbych, LL16 3PA.
Beth Sy’n Digwydd Nesaf
Bydd y Panel Grantiau yn cyfarfod yn chwarterol. Y dyddiad cau ar gyfer ceisiadau yw’r 25ain o Fai, Awst, Tachwedd a Chwefror. Bydd eich cais yn cael ei gydnabod ac os byddwch yn llwyddiannus byddwch yn cael gwybod drwy’r post neu e-bost.