Yn Swayne Johnson, nid yw gofalu am ein cymunedau yn rhywbeth rydym ni’n ei ddweud, mae’n rhywbeth rydym ni’n ei wneud bob dydd.
Ers cenedlaethau, rydym wedi gwasanaethu’r cymunedau lleol lle rydym yn byw ac yn gweithio ynddynt, ac rydym yn angerddol am roi yn ôl mewn ffyrdd ystyrlon a hirhoedlog. Yn 2019, fe wnaethom sefydlu Ymddiriedolaeth Elusennol Swayne Johnson i gyfeirio cymorth ariannol hanfodol at elusennau lleol, mentrau cymunedol a phrosiectau ar lawr gwlad sy’n gwneud gwir wahaniaeth i fywydau pobl. Rydym yn ymgysylltu’n weithredol â sefydliadau cymunedol a phrosiectau lleol i godi ymwybyddiaeth o faterion pwysig ac, lle bynnag y bo’n briodol, yn darparu gwybodaeth a chyngor cyffredinol am ddim, boed hynny er mwyn cefnogi teuluoedd trwy ddementia neu brofedigaeth, neu helpu pobl ifanc i ddeall sut i fynd ar yr ysgol eiddo.
Pwy rydym ni wedi gweithio â nhw:
Rydym yn aml yn cynnal seminarau, sesiynau galw heibio a sgyrsiau anffurfiol am ddim, ac mae ein tîm yn aml yn cael eu gwahodd fel siaradwyr gwadd mewn digwyddiadau gan grwpiau lleol eraill.
P’un ai ydym ni’n noddi digwyddiadau lleol, yn cefnogi prosiectau cyfagos, neu yn torchi ein llewys i wirfoddoli, credwn fod cymunedau cryf yn dechrau gyda chysylltiadau cryf, ac mae’n anrhydedd inni chwarae ein rhan.
Rydym ni’n gwybod bod busnes ond yn gallu bod mor gryf â’r gymuned o’i gwmpas, a dyna pam fod gofal wrth ein craidd: i’n cleientiaid, ein cydweithwyr a’r cymunedau rydym ni’n falch o fod yn rhan ohonynt.